قبل ساعات من بدء المباراة الكروية التاريخية بين فريق
جمهورية مصر العربية وفريق ساحل العاج في نهائي كأس الأمم
الإفريقية، التقي المذيع التليفزيوني التابع للقناة
الفضائية المصرية بأسرة مصرية كاملة تتجه إلي الاستاد
لمشاهدة المباراة- كان الأب والأم والأولاد يحمل كل منهم
علم جمهورية مصر العربية، وعلي وجه كل منهم رسم بالألوان
لنفس علم الدولة المذكورة، وكانت الأسرة بأكملها تقف في
الطابور المؤدي لأحد مداخل الملعب حين اتجه إليهم المذيع
التليفزيوني وتحدث معهم علي النحو التالي :
- نتعرف بحضراتكم
- أنا المهندس عصام عبد النبي، مهندس إلكترونيات، ودي
المدام، ودول الأولاد0
- ويا تري بقي رايحين علي فين (!!!)
- داخلين الملعب نتفرج علي ماتش مصر0
- وحضرتك بقي حتشجع مين (!!!)
- مصر طبعا00 يارب ناخد الكأس عشان الناس كلها تفرح00
- والمدام برضه حتشجع الفريق المصري (!!!)
- (ترد الزوجة وهي تضحك) طبعا00 وإن شاء الله حنكسب تلاتة
صفر0
- (يسأل طفلة من أبناء المهندس) والأمورة الصغيرة عايزة
مين يكسب (!!!)
- مصر حتكسب أربعة00وحناخد الكأس00
- ما شاء الله ما شاء الله00 يعني الأسرة كلها بتشجع
المنتخب النهاردة (!!!)
- (يرد الأب ضاحكا) طبعا00 ومصركلها بتشجع المنتخب00 وبإذن
الله حنكسب تلاتة00
- ويا تري مين بقي حيجيب أجوان مصر00؟
- (يرد الابن الصغير) - حسام حسن حيجيب أربعة لوحده0
- بس بابا بيقول إننا حنكسب تلاتة بس00
- سيبك منه- أنا باقول لك أربعة00 وحسام اللي حيجيب كل
الأجوان0
وفي تغطية أخري لمباراة ساحل العاج ومصر في الدور الأول من
البطولة نفسها، تحدث أحد المذيعين علي قناة الأوربيت ليلة
المباراة قائلا :
- امبارح كنت قاعد ع القهوة في المهندسين : ودخل علينا
شوية لعيبة من بتوع كوت ديفوار00 قعدوا ع القهوة وطلبوا
عصير00 ندهت الجرسون وقلت لهم يحط له حاجة في العصير00 أي
حاجة تخليهم يناموا وما يعرفوش يلعبوا عشان نقدر نكسبهم
بكرة00 إن شاء الله حتي يحط لهم سم في العصير (!!!)
وفي تغطية ثالثة علي قناة النيل للرياضة يوم المباراة
النهائية ، كان المذيع يستضيف أحد لاعبي الزمالك القدامي
وصاحب الرقم القياسي في أسرع هدف تشهده البطولات
الإفريقية0 وقال الكابتن أيمن منصور في حواره مع المذيع :
- علي فكرة أنا صحيح جبت جون بعد 27 ثانية من بداية
الماتش، لكن أنا النهاردة متنازل عن اللقب بتاعي لأي لعيب
مصري يقدر يجيب جون في أول ثواني من الماتش00 لكن مش
حاتنازل عن اللقب لأي لعيب من كوت ديفوار (!!)..
وفي نفس البرنامج وأثناء تغطية أخري من داخل الملعب قبل
بدء المباراة النهائية بدقائق قال المذيع المصري الفضائي:
- أنا مش قادر أوصف مشاعري أو مشاعر الناس اللي هنا في
الملعب والله يا جماعة أنا بافكر أقلع البدلة وألبس شورت
وفانلة وأنزل مع المنتخب عشان أشارك في تحقيق البطولة
لمصر00!!
أما في مباراة مصر والمغرب، فقد التقي مذيع قناة دريم عقب
المباراة مع أسرة الأستاذ علاء مبارك، وتحدث علي النحو
التالي مع ابن الأستاذ علاء (طفل يبلغ من العمر حوالي أربع
أو خمس سنوات):
-0 يا تري حضرتك اتفرجت ع الماتش؟!!
- ايوه اتفرجت00
- وسيادتك رأيك إيه في الماتش؟!!
- وحش00 ما عجبنيش00
- ورأي حضرتك في الفريق المصري؟
- برضه وحشين00
- معلش سيادتك00 إن شاء الله نكون أحسن المرة الجاية!!
وكان التليفزيون المصري قد تفضل بتغطية أكثر من رائعة
لزيارة السيد الرئيس لمعسكر الفريق القومي قبل مباراة
الدور نصف النهائي، وهي الزيارة التي اعترض فيها الرئيس
علي الإحباط الإعلامي للمنتخب بدعوي إنه لا يقدم العروض
اللائقة ويفوز ببركة دعاء الوالدين0 وطلب الرئيس من أحمد
شوبير أن يكف عن تحليل المباريات وتناول السلبيات، وأن
يقول لصاحبه الإرهابي أبو دقن (يقصد مجدي عبد الغني) أن
يكف هو الآخر عن مثل هذا التحليل السلبي0 وقال السيد
الرئيس إن المهم في الكرة هو المكسب الذي يسعد الجماهير،
حتي لو كان عشوائيا0 وهي نفس فلسفة الإعلام المصري الرائد
في تغطية جميع الأحداث والمشروعات القومية 00 الكبري!
