حياه لا يعرف لها معنى ...
احساس بالتناقض
ضياع الذات
او هكذا اتصور
حقا تلك الحياه لها تفسير واحد
معنى اللا تفسير
اعرف جيدا فى علم الاقتصاد
الحسابات الختاميه
والاحتمالات المحاسبيه
النظم الراسماليه والحياه المحاسبيه الحكوميه
اعرف جيدا جدا فرص التلاعب الضريبيه
لكنى لم اكن اعرف مطلقا عمل الساده فى هيئه الرقابه
الاداريه
شىء بديهى حينما ينتهى عام ويقوم الساده المراجعين فى هيئه
الرقابه الاداريه بعملهم ان يراعو الله فى كل قرش من اموال
المواطن المسكين
التى تعامله الدوله وتوفر له فرص التعليم ورغيف العيش وفرص
الدواء والمسكن
وتفرض عليه الضرائب
ما معنى ان يظل مسؤل على راس مؤسسه لمده تتعدى السنوات
السبع
ويكبد المؤسسه التى يتراسها خسائر تم تحديدها فى 18.8
مليون دولار امريكى
وهيئه الرقابه الاداريه ولا مؤاخذه نايمه
ويبدد من ميزانيه تلك المؤسسه 50 مليون جنيه مصرى
وبرضه هيئه الرقابه الاداريه ولا مؤاخذه نايمه
والجهاز المركزى للحسابات واخد تعسيله
ثم فجأه ينتفض ضمير الوطن ويعزل هذا المسؤل...
ويستيقظ السيد وزير الاعلام
وتصحو هيئه الرقابه الاداريه من ثباتها
وينتفض الجهاز المركزى للمحاسبات ليكتشف تلك الملاعبات
وتعلق الضحيه والذبيحه على مكتب السيد النائب العام
هذا يجعلنى كمواطن بسيط اتسال
ما الذى ايقطكم
عفوا
اقصد لماذا كنتم غافلين
طيله سبع سنوات
***
40 يوم يا بلدنا صحى النوم
اى راجل او اى ست سافر بره مصر
اكيد شاف البوسترات اللى لحد يومنا ده متعلقه فى اكبر
ميادين العالم ولسه بيندفع لها ايجار لحد النهارده
اللى بتتكلم عن كاس العالم 2002 فى كوريا واليابان
اى مواطن غلبان وابن حلال راح مدينه اكتوبر
حيلاقى بعد ميدان ميت عقبه وقبل الدخول فى طريق اكتوبر
مباشره
بوستر دعائى كبير لكاس الامم الافريقيه
تونس 2004
وطبعا لاننا بلد الفرص الضائعه
ولاننا حننظم البطوله على ارضنا 2006
فاكيد انك مش هتلاقى اى بوستر
فى اى ميدان فى العالم او حتى فى ميدان العتبه
بيتكلم عن اكبر 3 بطوله فى العالم
نداء الى السيد ويزر الشباب والرياضه
والى السيد وزير الاعلام
والى الساده اعضاء المكتب التنظيمى للبطوله
والى الساده اعضاء مكتب تسويق البطوله
حرام عليكم مصر
مش فاضل غير اقل من 40 يوم
امتى بقى بلدنا تصحى من النوم
